Tysnes har ein nedgong i folketalet på heile 42 personar siste året, melder Statistisk Sentralbyrå.

Ved årskiftet var det 2753 innbyggjarar i Tysnes, medan det på same tid året før var 2795.

I 2006 hadde me 26 fødsler i kommunen, medan 36 døydde. 104 personar flytta til Tysnes, men det hjelp lite når 136 har meldt utflytting.

Dermed er folketalet redusert med 42 personar på eitt år.

I kommunane rundt oss så hadde Stord, Bømlo, Fusa og Os auke i folketalet, medan både Fitjar og Kvinnherad hadde nedgong.