• Nyhende
• Marknadsplass
• Epostregister
• Før i tida
• Turist
• Lag/org

Foto: Kirsten McDonagh/NRK

Uendra tilstand

Tilstanden er uendra for den 49 år gamle kvinna frå Tysnes som vart skada i arbeidsulukke i Verdal.

Det var tre personer i ulukka då den øvre delen av ei kran på verftet Kværner Verdal knakk, slik at korga arbeidarane var i fall om lag 35 meter og traff lekterane under.

Tilstanden til kvinna endra seg frå meget alvorleg til alvorleg torsdag morgon, meldte NRK Trøndelag. Ho ligg på St. Olavs Hospital i Trondheim.

Torsdag kveld melder Trønder-Avisa at tilstanden er uendra. Det gjeld også for dei to andre personane som var i ulukka. Men tilstanden var framleis alvorleg for alle tre. 

Ingen av dei tre er tilsette i Kværner Verdal, men er innleigd frå andre selskap.

Dei tre i korga skulle ta bilete av og kontrollere malingsarbeid då ulukka inntraff. Arbeidstilsynet vart umiddelbart kobla inn i saka.

  

TIPS TYSNESINGEN

Gunnar Hansen
Tlf 97 15 30 89
gu-ha@c2i.net
Kontaktskjema