• Nyhende
• Marknadsplass
• Epostregister
• Før i tida
• Turist
• Lag/org

Bak frå venstre: Einar Berge, Henry Lunde, Norolf Henriksen, Martin Henriksen, Gunnar Eikeland. Framme frå venstre: Henning Henriksen, John Myrdal, Hans M. Hansen. I jubileumsheftet til Lundegrend Idrettslag 1938-1998, skriv Henning Henriksen dette om kampane på Årbakkavollen i 1940. Her er eit utdrag: "Det var ikkje lett å koma seg frå Lunde til Årbakka den gongen. Me sykla, to og tre på kvar sykkel, og frå Skaret og ned mot Hovland laut me bremsa med store bjørkegreiner i tillegg til sykkelbremsene. Farten i dei bratte utfor- køyringane kunne nok i blant verta i meste laget, men me kom oss alle vel fram. Verre var det med dei tre karane som tok snarvegen frå Myrdal over Ådnastegen og framom Vasstølstjødno i Hovland. Me venta på dei i bortimot ein halvtime, men då laut me starta kampen, for spelarane på Årbakka tok til å verta utolmodige. Det var såleis eit reservespekka lag som opna kampen. I mål laut Skjepaviksdrengen (Hermann Henanger) prøva seg for første gong. Han gjorde ein iherdig innsats, men det gjekk dessverre hardt ut over den eine besteskoen hans då han sparka hardt inn i ei tue. Merkeleg nok leia me 2-0 til pause. Då var dei tre fjellkarane komne fram, så me kunne spela andre omgang med friske krefter. Kampen enda likevel uavgjort. Me spelte endå ein kamp på Årbakkavollen den sumaren, men då hadde begge laga styrkt seg med ferierande bergensarar, så me bygdegutane vart nærmast for statistar å rekna."

TIPS TYSNESINGEN

Gunnar Hansen
Tlf 97 15 30 89
gu-ha@c2i.net
Kontaktskjema