• Nyhende
• Marknadsplass
• Epostregister
• Før i tida
• Turist
• Lag/org

Slik såg det ut tunet i Skjelevikjo i slutten av 1920-talet då amatørfotografen Andreas Børtveit tok biletet. Det kvite stovehuset til venstre og den bakarste løa høyrde til bruk 1, dei tre andre bygningane til bruk 2. Hovedbruket var einbølt fram til 1856 då Hermann Skjelevikjo delte frå halve garden og gamlastovo (huset i høgre biletkant) til dottera Maddel og mannen hennar, Jens Nilsson Tornes. Dette vart så bruk 2. Sjølv dreiv han bruk 1. Det var sonen, Knut Skjelevikjo, som sette opp stovehuset der om lag 1869 då han gifta seg, men tømra er truleg endå eldre. I 1908 kjøpte Johannes Hetlelid (Todløyo) bruk 2, og i 1917 også bruk 1, og det er etterkomarane hans som eig bruka i dag. Under garden var plassa Gongstø, sidan delt i to, og Kalvavik. Kalvavik var vel det siste plasset på Tysnes, det vart innløyst i 1931. I dag er det berre husa på bruk 1 som står att i tunet. Alle husa på det andre bruket vart rivne om lag 1990. Våningshuset er no mykje ombygt, men stova er teken vare på slik ho var. Og festet for rennebommen i ein av takbjelkane er på plass enno. Olav Skjellevik

TIPS TYSNESINGEN

Gunnar Hansen
Tlf 97 15 30 89
gu-ha@c2i.net
Kontaktskjema