• Nyhende
• Marknadsplass
• Epostregister
• Før i tida
• Turist
• Lag/org

Ståande: Olav Bakkane, Einar Skjellevik, Ivar Skaten (framfor Einar), Odd Skjellevik, lærar Sigurd Skår, John Erik Nesheim, Nils Møllerup Skaten, Mikal Heldal, Grim Sveinung Skjellevik. På benken: Magnhild Skjellevik, Berit Bakkane, Magnhild Skaten, Else Marie Bakkane, Ruth Hetlelid, Petra Hetlelid. Ein gong skuleåret 1954/55 vart det tillyst fotografering på Hagastølen. Skulen var todelt, og det var truleg ein småskuledag dette skulle skje. Dei i storskulen har vel fått beskjed om at dei må møta fram. Det ser ikkje ut til at det vart teke atterhald om vêr, og dagen ser temmeleg våt ut. Dei fleste finn seg i å verta blaute, men nokre synest ikkje om det og har pakka seg godt inn i regnfrakkar. Storskuleelevane Andreas Hetlelid, Inger Hetlelid, Margrete Heldal og Gerhard Skaten manglar. Kanskje dei ikkje tykte om vêret og heldt seg heime. Sigurd Skår var siste læraren på Hagastølen – frå hausten 1954 til skulen vart nedlagd tre år etterpå. Elevar og lærar flytta då til den nybygde skulen på Onarheim. Skulen på Hagastølen stod ferdig til bruk i 1907 med Mathias N. Rødahl som lærar, før den tid var det omgangsskule i krinsen. Far min, Engel Skjellevik, skulle ha byrja på skulen året før, men venta til skulehuset vart teke i bruk. Innsendt av Olav Skjellevik

TIPS TYSNESINGEN

Gunnar Hansen
Tlf 97 15 30 89
gu-ha@c2i.net
Kontaktskjema